鬼屋，明知裡頭沒鬼，卻永遠受歡迎。
踏入鬼門前，你會心跳加速，刺激，緣於你不知何時會遇上機關、撞到鬼怪，更不知何時可以走出鬼屋。萬聖節下個月才到，但海洋公園的大小鬼屋已經搶先落成恭候。入鬼屋例牌「 We嘩鬼叫」被嚇餐飽似乎唔夠新意，今年不妨搞搞新意思，學學佢玩反串，扮鬼嚇鬼屋內的鬼，睇睇你驚定鬼驚。
記者：陳漢榮 攝影：伍慶泉
模特兒： Holly、 BoBo、 Dennis、 Jack（Sun Spot）
化妝： Olivia Liu（So Image 8111 2891）
自選鬼樣
話明扮鬼，當然要化個鬼妝，各人自選鬼樣。 BoBo貪靚，寧做豔鬼：「我唔要爛晒面隻，畀對妖眼我就得。」 Holly選擇做紙紮公仔：「面上兩個圓圈，要紅喎。」 Dennis要求簡單直接：「一句講晒，七孔流血慘死 Look。」 Jack是最遲表態的一個：「化得我惡死，化到我對眼發瘀發紅喇，咩呀？擺明同裡面鬼鬥嚇嘛。」
「出發！」化好妝，二男大喊：「等陣一見到類似鬼又唔似人物體，即刻大嗌！」二女又要驚又要玩：「知喇，嚇番佢轉頭嘛，我兩個女仔唔會縮沙。」
■化妝後，個個成副鬼樣， 4人信心爆棚：「睇邊個嚇邊個？」
■這間恐怖酒店是今年海洋公園鬼屋的重頭戲，機關最多最驚嚇。